Suedia ka “zbutur” Turqinë mbi anëtarësimin e saj në NATO, duke i premtur se do të ekstradojë 73 persona në Turqi.

Kështu ka deklaruar Presidenti i Turqisë, Recep Tayyip Erdogan, transmeton portal arbresh.info

“Nëse nuk e mban premtimin, ne do të bëjmë atë që është e nevojshme dhe në përputhje me marrëveshjen”, tha ai, duke shtuar se Turqia nuk do ta ratifikojë marrëveshjen në parlamentin e saj në atë rast. “Nëse nuk e përmbushin atë obligim, ne nuk do ta dërgojmë në parlament”, tha ai.

Megjithatë, Erdogan e ka quajtur marrëveshjen historike.

Përpara nënshkrimit të marrëveshjes në samitin e NATO-s, Turqia tha se do të vërë veton ndaj hyrjes së Suedisë dhe Finlandës në NATO, duke pretenduar se do të sigurojë strehim për anëtarët e Partisë së Punëtorëve të Kurdistanit (PKK), të cilën Turqia, BE dhe Shtetet e Bashkuara e konsiderojnë si organizatë terroriste.

Marrëveshja prej 10 pikash thotë se Suedia dhe Finlanda do të trajtojnë kërkesat e Turqisë për ekstradimin e të dyshuarve për terrorizëm në përputhje me Konventën Europiane për Ekstradimin.

Kujtojmë se pas nënshkrimit të marrëveshjes, Turqia tha se nuk ka më kundërshtime për hyrjen e Suedisë dhe Finlandës në NATO./arbresh.info/